Dolphin vörurnar samanstanda af skjástækkunar- og skjálestrar hugbúnaði.

Hugbúnaður til skjástækkurnar gerir fólki með skerta sjón kleift að sjá texta og myndir betur með því að stækka skjámyndina og stjórna litastillingum. Þeir sem eru með skerta sjón eða eru blindir notast við skjálesara og hlusta á skjálestur frá forriti gegnum venjulegt hljóðkort í tölvunni eða tengja eitthvert af þeim mörgu punktaleturstækjum sem forritið styður við tölvuna, s.s. punktaletursskjá og punktaletursprentara. Hugbúnaðurinn er einfaldur í uppsetningu og er samhæfður öllum Windows stýrikerfum. Hugbúnaðinn má nota í hvaða tölvu sem er, hvort sem um er að ræða heimilistölvuna eða vinnutölvuna. Hægt er að kveikja og slökkva á hugbúnaðinum þegar það hentar.

SuperNova skjálestur- og stækkun (Supernova).

Þetta er skjálestrarforrit sem er einnig með stækkun, tali og punktaletursstuðningi. Þetta gefur fólki með skerta sjón það frjálsræði sem það þarf til að hafa aðgang að Windows stýrikerfunum á þann hátt sem best hentar hverjum og einum. Meira um Supernova af vefsíðu framleiðanda.

SuperNova skjástækkun og lestur (Lunar Plus).

Þetta er tilvalinn hugbúnaður fyrir sjónskerta sem þurfa á skjástækkun að halda. Hann er einnig með möguleika á tali og gefur þar með meiri stuðning fyrir þá sem eru með takmarkaða sjón.

Hentar fyrir fólk með skerta sjón og sjón sem fer versnandi og virkar heima, í vinnu og í skóla.

SuperNova skjálestur (Hal).

Þetta forrit er hannað fyrir blinda tölvunotendur. Þetta er skjálesari sem virkar þannig að hann les það sem er á skjánum sem síðan er lesið fyrir notandann með þeirri rödd sem er uppsett og stillt er á, eða að notandinn les upplýsingarnar á punktaletursskjá.

Þetta forrit er hannað fyrir blinda notendur og virkar heima, í vinnu og í skóla.

SuperNova skjástækkun (Lunar).

Með mikilli skjámögnun geta sjónskertir tölvunotendur aðlagað umhverfið á skjánum eins og hentar þeim best, skjótt og örugglega. Stillingarnar er hægt að vista eftir þörfum hvers og eins.

PEN minnislykill með forriti á.

Þegar USB penninn (minnislykilinn) er notaður geta blindir og sjónskertir sett hann í samband við hvaða tölvu sem er og notað Dolphin tölvuforitið sitt, sem keyrist upp sjálfkrafa. Hægt er að fá Supernova, Hal, Lunar og LunarPlus í USB penna útgáfunni eins og stöðluðu tölvu útgáfunni.

CICERO breytir texta á blaði í texta á skjá.

Þessi nytsamlegi hugbúnaður breytir tölvu í lestrarvél. Cicero viðheldur sjálfstæði sjónskerta einstaklingsins með því að gera honum kleift að setja blað með texta í skanna og lesa það sem stendur í skjalinu. Hugbúnaðurinn er vel skrifaður, sem gerir það að verkum að hann les skýrt það sem kemur fram á skjalinu og er hann fljótlegur og einfaldur í notkun.

POCKET HAL fyrir lófatölvur.

Hvað er Pocket Hal?

Ef þú er mikið á ferðinni og þarft að vera í netsambandi, er tæknin til í smækkuðu og hreyfanlegu formi og Pocket Hal gerir það aðgengilegt.

EasyTutor fyrir lesblinda

Fullkomin lausn fyrir fólk með lesblindu eða sem á í erfiðleikum með að lesa, skrifa og stafa orð. Tölvunotendur geta skrifað, lesið, skoðað og yfirfarið texta með rödd sem er innbyggð í Dolphin Tutor hugbúnaðinn.

Til baka, Senda grein, Prenta greinina